Qaraciyər piylənməsində (hepatozlarda) plazmaferez və ozonoterapiya

Plazmaferez qandan toksinləri, yağ turşularını, xolesterin və digər lipidləri (yağları) ayırırmaqla qaraciyərə düşən yükü azaldır.

Ozonoterapiya qan axınını, qatılığını yaxşılaşdırmaqla, qanı oksigenləşdirməklə, iltihab əleyhinə və antioksidant təsir göstərməklə qaraciyər hüceyrələrinin fəaliyyətini yaxşılaşdırır. 

Bu müalicə metodlarının istifadəsi detoksikasiya orqanlarında möhkəmlilik ehtiyatı yaradır, orqanizmin xarici təsirlərə müqavimətini artırır.

Plazmaferez – qanın ekstrakorporal (qan dövranından kənar) təmizlənməsini bildirən  prosedur prosesidir.

Bu prosesdə qan iki komponentə ayrılır: hüceyrə elementlərinə (eritrosit, trombosit, leykosit) və plazmaya (qanın duru hissəsinə). Prosedurun gedişində zərərli maddələrlə birlikdə plazmanın müəyyən hissəsi tamamilə çıxarılır və onun yerinə qan dövranına əvəzedici məhlullar yeridilir. Qan hüceyrələri qan dövranına geri qaytarılır və beləliklə qan patoloji maddələrdən təmizlənir.

Plazmaferez - qanın təmizlənməsi ("qan yuma", "qan dəyismə") prosedurundan bir sıra xəstəliklərin müalicəsində istifadə olunur.

Plazmanın çıxarılmasına cavab olaraq, orqanizm bütün müdafiə sistemlərini səfərbər edir, immunitet güclənir, qanın reoloji xüsusiyyətləri (qan axını) yaxşılaşır.

Plazmaferez haqqında daha ətraflı

Ozonoterapiyada tibbi ozon və oksigen qazının müalicəvi təsirindən istifadə olunur.

Bir çox xəstəliklərin mənşəyində orqan, toxumaların qidalanmasının pozulması və  hüceyrə səviyyəsində kifayət qədər oksigen çatmaması dayanır.

Ozon terapiyası terapevtik nəticələr verən, müxtəlif üsullarla orqanizmə yeridilən  oksigen-ozon qarışığının (tibbi ozonun) müalicəvi təsirinə əsaslanır.

Ozonoterapiya periferik mikrosirkulyasiyanı stimullaşdırır, oksigenin hüceyrə tərəfindən daha yaxşı qəbuluna səbəb olur, hüceyrə immun mexanizmlərini aktivləşdirir və mübadilə proseslərini yaxşılaşdırır.

Ozonoterapiya haqqında daha ətraflı

Klinikamızın efferent terapiya kabinetində diskret sentrifuqalı və membran plazmaferez prosedurları, orqanizmə yerli və sistem təsir göstərən ozonoterapiya prosedurları aparılır.

Plazmaferez və ozonoterapiya  prosedurlarının aparılmasında birdəfəlik istifadə üçün nəzərdə tutulmuş materiallardan istifadə olunur. Prosedur zamanı qanın və istifadə olunan steril məhlulların bu materiallardan əlavə heç bir kontaktı olmur. Ona görə də prosedur vaxtı hemokontakt infeksiyalara yoluxma ehtimalı yoxdur.

Plazmaferez və ozonoterapiya  prosedurları, qiymətləri barədə daha ətraflı