Ozonoterapiya nədir?

Ozonoterapiya haqqında

Ozonoterapiya heç də yeni qeyri dərman müalicə metodu deyil, xaricdə yüz ildən artıqdır ki, müxtəlif xəstəliklərin müalicəsində istifadə olunur. Son onilliklərdə müasir ozonatorların tətbiqi ilə ozonun terapevtik dozalarının parenteral (venadaxili, əzələdaxili, intraartikulyar, dərialtı) yeridilməsi üsulları ön plana çıxmışdır.

Ozonun parenteral təsiri ilə orqanizmin bir sıra kaskad biokimyəvi prosesləri işə salınır və ya aktivləşir. Parenteral olaraq tətbiq olunan ozonun terapevtik dozaları mikrosirkulyasiyanı əhəmiyyətli dərəcədə artırır, orqan və toxumalarda qidalanma proseslərini yaxşılaşdırır, qanın reoloji xüsusiyyətlərinə təsir göstərir, hiss olunacaq dərəcədə immuniteti stimullaşdırır, bədənin detoksikasiya müdafiə sisteminin kəskin aktivləşməsinə kömək edir.

Ozonun hətta aşağı dozalarını qəbul edərkən hüceyrə enerjisinin əsas mənbəyi olan ATF-in meydana gəlməsi,  karbohidratların, lipidlərin və zülalların oksidləşməsini sürətləndirən fermentlərin aktivləşməsi baş verir. Buna görə ozon-oksigen qarışığının təsirindən demək olar ki, dərhal sonra insan enerji artımı hiss edir, yorğunluq gümrahlıq hissi ilə əvəz olunur. Bu vəziyyət yağışlı, şimşəkli havadan sonra meşədə gəzən hər kəsə məlumdur. Təmizlik, təravətlilik hissini havada olan ozon molekulları yaradır. Ozon molekulları insan orqanizminin toxumalarına seçici şəkildə təsir göstərir,  hüceyrələrə zərər vermədən onları enerji ilə təmin edir.

Normal olaraq orqanizmdə həll olunmuş ozon olur, ona görə də onun terapevtik dozalarda istifadəsi tamamilə təhlükəsizdir, ona heç bir asılılıq yaranmır. Ozon terapiyasının əks göstərişi azdır, monoterapiya kimi və ya dərman müalicəsi və fizioterapevtik prosedurlarla yanaşı bütün yaş kateqoriyalı xəstələr tərəfindən istifadə edilə bilər.

Ozonoterapiya necə təsir göstərir?

Ozonun terapevtik təsir mexanizmlərinin müxtəlifliyi onun orqanizminə geniş diapazonlu müalicəvi təsir göstərməsinə şərait yaradır.

Qanın reoloji xüsusiyyətləri (qan axını) yaxşılaşır - mərkəzi və periferik qan dövranı yaxşılaşır, damar divarlarının elastikliyi bərpa olur, eritrositlərin (qırmızı qan hüceyrələrinin) deformasiya qabiliyyəti artır, bir birlərinə və damar divarına yapışma xüsusiyyəti (adgeziya) zəifləyir. Və onların kapilyar qan damarlarına keçməsi yaxşılaşır. Qanın qatılığı azalır.

Orqan və toxumalara antihipoksik təsir göstərir - hemoqlobinin oksigen alma xüsusiyyəti yaxşılaşır, qanın oksigen daşıma qabiliyyəti aktivləşir, arterial və venoz qan axınında oksigenin parsial təzyiqi artır, qan axınının yaxşılaşması ilə oksigenin orqan və toxumalara çatdırılması yaxşılaşır . "Oksigen-hemoqlobin" kimyəvi bağının zəifləməsi ilə oksigenin toxumalar tərəfindən utilizasiyası, karbon qazının hemoqlobinlə birləşməsi və orqanizmdən çıxarılması yaxşılaşır. 

Aktiv oksigenin iştirakı ilə oksidləşdirici reaksiyaların aktivləşməsinə kömək edir. Ozon ən güclü antioksidant olmaqla orqanizmin qoruyucu funksiyalarını artırır, sərbəst radikalların əmələ gəlməsinin qarşısını alır.

Ozonoterapiya qan yaranma mexanizmlərini stimullaşdırır.

Detoksikasiya orqanlarının (qaraciyər, ağciyərlər, böyrəklər, dəri) fəaliyyətini yaxşılaşdırmaqla orqanizmin detoksikasion (zərərli birləşmələrdən təmizlənmə) potensialı qalxır.

İltihab əleyhinə təsir göstərir, ümumi və yerli müdafiə sistemlərini (immuniteti) stimullaşdırır, orqanizmin şiş əleyhinə rezistentliyini artırır.

Yerli təsirlə bütün növ bakteriyalara, viruslara, göbələklərə və ibtidailərə məhvedici təsir göstərir.

Toxumaların qidalanmasını və regenerasiyasını yaxşılaşdırır, yaraların epitelizasiya və sağalmasını intensivləşdirir.

Orqanizmdə maddələr mübadiləsini gücləndirir, bioloji aktiv maddələrin (aminturşular, vitaminlər və s.) hüceyrələr tərəfindən toplanmasını aktivləşdirir.

Antiqlikemik effekt - qanda şəkərin səviyyəsini endirir. Ozonun təsiri nəticəsində eritrositlərdə qlükozanın mübadiləsi aktivləşir, oksigenin toxumalara ötürülməsi yaxşılaşır, onların oksigen təchizatı artır və hipoksiya (oksigen aclığı) aradan qalxır.

Analgetik (ağrıkəsici) təsir göstərir (xroniki ağrılarla müşayiət olunan xəstəliklərdə).

Qaşınma əleyhinə, yuxugətirici, stres əleyhinə, sedativ (sakitləşdirici) effektləri reallaşdırır.

Plazmaferez proseduru - qanımızın bədəndən kənar detoksunu  (təmizlənməsini)  bildirən, müxtəlif xəstəliklərin kompleks müalicəsində istifadə olunan effektiv və təhlükəsiz müalicə metodudur. 

Bu metodun mahiyyəti xəstəliklərin səbəblərinin və ağırlaşmalarının daşıyıcısı olan zərərli maddələrin orqanizmdən ayrılmasından ibarətdir.

Plazmaferezin effektivliyi üç əsas faktora əsaslanır: təmizləmə, orqanizmin müqavimətinin gücləndirilməsi və qan dövranının yaxşılaşdırılması. 

Birincisi, zərərli maddələr qan dövranından ayrılır: əvvəlcə qanın tərkibində olan, sonradan isə orqan və toxumalardan qan dövranına axın edən patoloji maddələr.

İkincisi, plazmanın çıxarılmasına cavab olaraq, orqanizm bütün müdafiə sistemlərini səfərbər edir, immunitet güclənir. 

Üçüncüsü, qanın reoloji xüsusiyyətləri (qan axını) yaxşılaşır.

Şəhərimizin klinikalrında müalicəvi plazmaferez əsasən  2 üsulla aparılır - membran və sentrifuqalı plazmaferez. 

Plazmaferez barədə daha ətraflı

Klinikamızda diskret sentrifuqalı və membran plazmaferez prosedurları, orqanizmə yerli və sistem təsir göstərən ozonoterapiya prosedurları aparılır.

Plazmaferez və ozonoterapiya  prosedurlarının aparılmasında birdəfəlik istifadə üçün nəzərdə tutulmuş materiallardan istifadə olunur. Prosedur zamanı qanın və istifadə olunan steril məhlulların bu materiallardan əlavə heç bir kontaktı olmur. Ona görə də prosedur vaxtı hemokontakt infeksiyalara yoluxma ehtimalı yoxdur.

Plazmaferez və ozonoterapiya  prosedurları, qiymətləri barədə daha ətraflı.